Porque do amor falar
se o mesmo amor,
brota como doce auga
da profundidade
do máis fermoso manantial.
Porque do amor calar
se o mesmo amor,
todo di sen palabra
coa claridade
da máis fermosa mañá.
Porque do amor falar
se o mesmo amor,
é un mundo que abraza
coa sinceridade
da máis leal ollada.
Porque do amor calar
se o mesmo amor,
todo expresa ca alma
coa seguridade
dun latexo que non marcha.
Ana Vila Portomeñe. Poeta Labrega
Taboada a 13 de febreiro de 2022.
No hay comentarios:
Publicar un comentario