Arxentina,
que levas no corazón
latexo de música galega
e alento de eterna paixón.
A memoria fala da verdade,
a xustiza atesoura ilusión
e a bandeira que por vós ondea
sabe facelo en cada ocasión.
Arxentina,
terra de moito valor
onde tamén cada aldea
sementa camiños de cor.
Arxentina,
auténtica terra de suor
onde con vós acariñan lendas
que emigraron coa nosa voz.
A memoria deixa lealdade,
a xustiza amosa emoción
e o vento que zoa a súa maneira
sentindo Galicia no corazón.
Arxentina,
hoxe ti, hoxe nós
e sempre no corazón.
Ana Vila Portomeñe. Poeta Labrega.
En Taboada a 26 de Marzo de 2023.
