MIÑAS

As miñas verbas caladas

para mancarme só a min,

pois non queren danar

a quen fala moi feliz.

As miñas miradas nubradas

ó ver o cariño sofrir,

pois non poden axudar

a quen se ten que ir.

As miñas mans atadas

para deixar o voo seguir,

pois non van afastar

a quen soña sen durmir.

As miñas ás cerradas

ó ver o camiño vivir,

pois non deben estorbar

a quen é todo de min.

As minas luces apagadas

para oscurecer meu sentir,

pois non saben destrozar

a quen constrúe latir.

Ana Vila Portomeñe. Poeta Labrega

Taboada a 27 de Febreiro de 2022.