Amor de verán
ondas que veñen e van,
lúa con sabor a sal
e sol escribindo no chan.
Sombra que alento da
cantigas soando polo ar,
arumes de terra e mar
e bicos voando da man.
Este amor de verán
co teu nome para soñar.
Amor de cada verán
lugares que acenden fogar,
danzares de fermoso serán
e libros amosando amar.
Amor de verán
non precisas pedestal,
somente a luz dun ollar
que perdura cada espertar.
Este amor de verán
co teu nome para respirar.
Ana Vila Portomeñe. Poeta Labrega
En Taboada a 6 de Agosto do 2023.
(Porque sempre hai un amor de verán, sexa un intre ou para toda unha vida).
No hay comentarios:
Publicar un comentario