♡♡ DIA DA NOSA GALICIA ♡♡

Baixo un ceo estrelado

un camiño sacro,

a Compostela vai achegando

distintos mundos cada paso.

Dos escritos pasados

Rosalia de Castro, Castelao,

Emilia Pardo Bazán ou Manuel María

amosaron a nosa fermosa lingua.

Hoxe día grande, día de Galicia,

festa, homenaxe e misa,

soar das campás, poesía

con fontes e ríos unha terra viva.

Hoxe galegos e galegas, Rosalia.

Hoxe cada lugar, Galicia.

Tesouro ben legado

entre pedras consagrado,

fáille a Compostela tellado

por mar e leiras forxado.

Rosalía, poeta xamais esquencida.

Castelao, irmán " das cousas da vida"

A terra chá de Manuel María,

e os Pazos de Ulloa da gran Emilia.

Tanto temos en Galicia.

Hoxe, día do Santiago Apóstolo,

Os soños na Gaiola son liberdade

e A nai natureza sementa verdade,

para que Sempre en Galicia

As Follas Novas teñan bondade.

Hoxe día de Galicia

orgullo de Rosalía,

mañá, día e noite Galicia

e honra de sentila.

Ana Vila Portomeñe. Poeta Labrega.

Taboada a 25 de Xullo do 2023.

♡♡Con eterna gratitude, por darme a ledicia de recitar este poema no acto homenaxe a Rosalia na Igrexa de San Domingos de Bonaval. Umha honra.♡♡