SINXELA PORTA

Vimos un dia para o mundo porque así é o destino,

non sabemos como seran as pegadas do camiño,

nin se detrás dunha sinxela porta

haberá estancias de soidade ou agarimo.

Imos medrando entre segundos paseniños,

atopando amizade e mantas con frío,

cousas que non importan ou que sí contan

namentres levamos labazadas e aloumiños.

Estamos de paso nuns intres moi vivos,

con alentos ben arroupados ou espídos,

quizáis non ollemos detrás dunha sinxela porta

latexos que nos enchen de soños escritos.

Seguimos a nosa vida sementando montes e ríos,

formando vales e mares que non serán olvidos,

onde ben sexa por boas ou por malas

firmamos estrelas nun ceo de suspiros.

Detrás dunha sinxela porta

van dende esta terra que piso

apertas e bicos que soan

porque os vosos corazóns importan.

Detrás dunha sinxela porta

perdura destino dun camiño.

Ana Vila Portomeñe. Poeta Labrega

Taboada a 5 de Xunio de 2022