LUAR NA LUBRE EN BUENOS AIRES

 

FESTIVAL LATINOAMERICANO

 

Teléfonos: 4953-8254

p://www.teatroempire.com
Entrada: $ 2.500,00 - Sábado - 17:30 hs - 25/03/2023

Entradas anticipadas y jubilados a $2000, ya pueden adquirirse por http://www.alternativateatral.com/obra82536-reverie...

ENTROIDO

 Tempo de don carnal

onde amosamos un don,

algo do noso ser

que as veces non ten corazón.

 

Estamos no Entroido

momento de gran troula,

onde cada lembranza

semella pouca cousa.

 

A xente co seu bailar

con vestimentas e cor,

percorre as rúas

desfilando ilusión.

 

Estamos no Entroido

toda Galicia é troula,

e no mundo tamén soa

ledicia corda e ledicia louca.

 

Dinos o don carnal

no tempo de Entroido,

que dende século secular

importa a vida moito.

 

Estamos no Entroido,

Viva o noso lugar,

e que se manteña vivo

cada latexar de don carnal.

 

Ana Vila Portomeñe. Poeta Labrega

En Taboada a 19 de Febreiro do 2023.

XXXI FESTA DO CALDO DE ÓSOS. DOMINGO DE ENTROIDO.

 

NA DISTANCIA

O son da túa voz

dalle cor ao meu camiño,

baixo a manta das estrelas

que debuxan o destino.

As caricias son un mundo

que cobixa o meu sentido,

onde a luz das velas

escribe cada suspiro.

Na distancia

unha canción escóitase pola radio,

facendo bailar os latexos 

que contigo gardo.

Na distancia

tódalas verbas son ise abrazo

co que soña corpo e mente

sendo alentos no mesmp espazo.

A calor das túas verbas

trae alento sempre vivo,

para vestir fogares de seda

con valor e amor divino.

O reloxo ten un segundo

que acende as follas dun libro,

onde non existen penas

somente, lembranza cun sorriso.

Na distancia

unha canción escóitase pola radio,

facendo bailar os latexos

que contigo gardo.

Na distancia

tódalas verbas son ise abrazo,

co que soña corpo e mente

sendo alentos...no mesmo espazo.

Ana Vila Portomeñe. Poeta Labrega

En Taboada a 12 de Febreiro do 2023

Dia da Radio.

FEITOS NOSOS

Foi pasando o tempo

de tantos e de tantas

con desigual pensamento

e coas mesmas olladas

postas no firmamento,

desta Galicia tan nosa

desta Galicia fermosa.

Fermosa por paisaxe,

por patrimonio e coraxe,

por quen loitou cada viaxe

e por feitos nosos

que nas estrelas son andaxe.

Quedou gravado cada momento

de tantos e de tantas,

máns xunguidas en sentimento

e valentía nas súas pegadas,

que son fel testamento

nesta Galicia tan nosa

nesta Galicia Grandiosa.

Grandiosa por familia,

por unha cultura viva,

por latexos alén de cada ría

e por feitos nosos

que dende o rural son sabedoría.

Foi pasando o tempo

quedando gravado cada momento.

(Na memoria de Castelao no 137 aniversario do seu nacemento o 29 de Xaneiro en San Domingos de Bonaval)

Ana Vila Portomeñe. Poeta Labrega

En Taboada a 5 de Xaneiro do 2023.

SEMPRE CONTIGO FILLO

Como calquera nai

intento con devoción

coidarte, mimarte e axudarche,

vivindo con medo

por todo aquilo que poida pasarche.

Sabes que dalgún xeito

estou sempre contigo fillo.

Como boa amiga

intento con ilusión

divertirte, animarte e comprenderte,

dándoche o meu valor

cando poidan chegar a mancarte.

Como sangue de muller

intento con admiración

ensinarche, demostrarche e regalarche

auténtica emoción

para respetar a quen saiba amarte.

Sabes que dalgún xeito

estou sempre contigo fillo.

Ana Vila Portomeñe. Poeta Labrega

En Taboada a 29 de Xaneiro do 2023.

CIVILIZACIÓN

Chámannos civilización

e non somos nada civilizados,

somos esa especie humana

que de humanidade non ten nada.

As veces, din que somos animais

e así deixamos constancia

do noso insulto á intelixencia deles.

Queremos somente vivir

e matámonos por prestixio

vai ti ver cal!!!!

Bailamos e loitamos por ter moitos cartos.

Desexamos un mundo mellor

e acabamos con este tan vivo,

claro, outro non hai!!!!

Desstrozamos canto temos.

Vergoña me da, ver.  

Medo me da, oir.

Tristura me da, decir.

Dor me da, sentir.

Máis...no fondo sei

que hai buracos de esperanza,

e neles, sei que aínda hai persoas.

Grazas.

Ana Vila Portomeñe. Poeta Labrega.

En Taboada a 22 de Xaneiro do 2023.